ერთად მივაგოთ პატივი ჩვენს გმირ წმინდა წინაპრებს

13 ნოემბერს, მეტეხის ხიდის მიმართულებით ლოცვითი მსვლელობა მოეწყობა.

სამების საკათედრო ტაძარში საკვირაო წირვის შემდეგ, როგორც არქიმანდრიტმა დემეტრემ აღნიშნა, 13 ნოემბერს, ხუთშაბათს, არის ჩვენი დიდი ეროვნული დღესასწაული – 100 000 მოწამის ხსენების დღე. ამ დღესთან დაკავშირებით, თბილისის მასშტაბით, გაიმართება ლოცვითი- მსვლელობები, მეტეხის ხიდის მიმართულებით.

“17:00 სთ.-ზე მეტეხის ხიდზე, მისი უწმიდესობა და უნეტარესობა გადაიხდის საზეიმო პარაკლისს,” – ბრძანა არქიმანდრიტმა.

“მსვლელობა დაიწყება 3 საათზე და 5 საათზე მეტეხის ხიდზე პარაკლისი ჩატარდება. მათი ლოცვა შეგეწიოთ თქვენ და სრულიად საქართველოს,” – ბრძანა სრულიად საქართველოს კათოლიკოს-პატრიარქმა, უწმიდესმა და უნეტარესმა ილია მეორემ.