გაშენებისათვის ნაკვეთი კარგად უნდა მომზადდეს: ნიადაგი უნდა იყოს კარგად დამუშავებული – მოხნული და დაფარცხული. აუცილებელია ნაკვეთის სარეველებისაგან წინასწარი გასუფთავება, რადგან გაშენების შემდეგ სარეველების სიჭარბე დიდ სირთულეებს ქმნის და აქვეითებს მოსავლიანობას.

მაყვლის გაშენებისას მნიშვნელოვანია გავითვალისწინოთ წინამორბედი კულტურა, უმჯობესია, რომ ისეთი კულტურების მოყვანიდან, როგორიცაა: პამიდორი, ბადრიჯანი, კარტოფილი და მარწყვი, გასული უნდა იყოს სულ მცირე 5 წელი მაინც.

მაყვლის გაშენების ოპტიმალური პერიოდია – გვიან შემოდგომა, სავეგეტაციო პერიოდის დამთავრებიდან ყინვების დაწყებამდე ან გვიან ზამთარი – ადრე გაზაფხული პერიოდი – თებერვალი – აპრილის დასაწყისი.

დარგვისას ნერგის ფესვთა სისტემა კარგად უნდა გაიშალოს ნიადაგში. ნერგი ირგვება 2-3 სმ-ით უფრო ღრმად, ვიდრე სანერგეში იზრდებოდა. დარგვისას ფესვების გარშემო ნიადაგი კარგად უნდა დაიტკეპნოს, შემდეგ კი საფუძვლიანად უნდა მოირწყას თითოეული ნერგის გარშემო. დარგვის შემდეგ მცენარე გადაიჭრება 10 -15 სმ-ის სიმაღლეზე. დახურულ ფესვთასისტემიანი ნერგები არ მოკლდება.

წყარო: სოფლის მეურნეობის სამეცნიერო კვლევითი ცენტრი / SRCA