აიდი ბარათებისა და ბიომეტრული პასპორტების ალტერნატივის დაშვების თხოვნით იუსტიციის მინისტრს თეა წულუკიანს მართლმადიდებელმა სასულიერო პირებმა და მრევლმა 200-მდე ეკლესიაში შეგროვებული 30 000 ხელმოწერა და მოთხოვნა გააცნეს.

ზაზა ნანობაშვილი (მართლმადიდებელთა საორგანიზაციო კრებულის ხელმძღვანელი): „მოქალაქეები დღესაც განიცდიან არასრულფასოვნების შეგრძნებას. ის ვინც აიდი ბარათის წინააღმდეგია, ყველანაირი მოქალაქეობრივი უფლება არ გააჩნიათ. დღეს დაისმება საკითხი, რომ დაიშვას ალტერნატივა, როგორც ეს ყველა განვითარებულ ქვეყანაშია. მართლმადიდებელთა ამ თემის დისკრიმინაცია არ უნდა ხდებოდეს.“

როგორც მინისტრთან შეხვედრის შემდეგ ბატონმა ზაზამ განაცხადა, თეა წულუკიანი მათ შეპირდა, რომ მუდმივი განხილვის რეჟიმი არ იქნება და კონკრეტიკა მოხდება.