მთავარი » ხატები და ფრესკები

ივერიის ღვთისმშობლის ხატის სასწაულები

სტატიის ავტორი: | თარიღი: 30.08.2016 | 4,491 ნახვა

ივერიის ღვთისმშობელი აღურაცხელია ივერიის ღვთისმშობლის ხატის მიერ მოხდენილი სასწაულები და განკურნებანი. ისინი ჩაწერილია ივერთა და ათონის მთის სხვა მონასტრების მატიანეებში.

· ერთ დროს მონასტერი იმდენად გაღარიბდა, რომ ფქვილიც კი არ გააჩნდა. მაშინ ყოვლადუბიწო ძილში გამოცხადებია დამწუხრებულ წინამძღვარს და უთქვამს: “წადი და იხილე სავსე ბეღელი, რათა დარწმუნდე თქვენდამი ჩემს მზრუნველობაში”. წინამძღვარმა მიაშურა ბეღელს და იხილა, რომ იგი მართლაც პირთამდე სავსე იყო ფქვილით. სხვა დროს ღვინო შემოჰკლებიათ. ღვთისმშობელმა ისე გაავსო ჭურჭელი, რომ ღვინო ძირს იღვრებოდა. ვინც კი იგემა, დარწმუნდა, რომ იგი სასწაულებრივი იყო და არა ბუნებრივი.

· წარსულში ეგეოსის ზღვა მეკობრეთა სიმრავლით იყო განთქმული. მონასტერზე მათი ერთ–ერთი თავდასხმის დროს, არაბმა მეკობრემ შუბით მიაყენა ჭრილობა ივერიის ღვთისმშობლის ხატს. ჭრილობიდან მეყუსეულად სისხლმა იფეთქა. თავზარდაცემულმა შეინანია თავისი დანაშაული, იწამა ქრისტე და მოინათლა, აქვე დარჩა და მცირე ხანში ბერად აღიკვეცა.

· 1308 წელს ივერთა მონასტერი მუსულმანებმა სასტიკად დაარბიეს. ისინი 15 ხომალდით მიუახლოვდნენ ათონის მთას და ალყა შემოარტყეს მონასტერს. ბერებმა გამოიტანეს მონასტრებისან წმინდა ჭურჭელი და ივერიის ღვთისმშობლის ხატი და ციხე–კოშკს შეაფარეს თავი. სპარსელებმა მონასტრების უმოწყალო გაძარცვის შემდეგ გუმბათის ჩამონგრევაც მოიწადინეს, მაგრამ ტაძარს ვერაფერი დააკლეს. ბერებმა გულის სიღრმიდან შეჰღაღადეს ზეციურ დედოფალს. ხომალდებმა ნაპირისგან მოშორება ვერ მოასწრეს, რომ ამოვარდა სასტიკი ქარიშხალი და მთელი ფლოტი ძღვის უფსკრულში დანთქა. გადარჩა მხოლოდ ის გემი, რომელზეც იმყოფებოდა სპარსთა მეთაური ამირა. მან ეს უბედურება ღვთის სამართლიან რისხვად აღიარა და შენდობა სთხოვა მამებს, დაუბრუნა მონასტერს ნაძარცვი ქონება და თვითონ გაიქცა შეძრწუნებული.

· ლიტანიობაზე, როცა უწმიდური სულის ადამიანებს უცდიათ ივერიის ღვთისმშობლის ხატის ჩამოტარება, ხატი ძალიან დამძიმებული, მათ მაშინვე სხვისთვის გადაუციათ და გაქცეულან.

· სოფელ ჰერამილიტინში მღვდელ მიხეილ პაკალისის 20 წლის ასულს, სახელად დესპინელას, დამბლა სტანჯავდა. ექიმები მას ვერაფერს შველოდნენ. მამა მიხეილს სახლში ჰქონდა ივერიის ღვთისმშობლის ქაღალდის ხატი, რომლის წინაშე გალობდა და ზეციურ დედოფალს მხურვალე გულით შესთხოვდა შვილის გამოჯანმრთელებას. ერთხელაც დილით დავრდომილი გოგონა გაჯანსაღებული სიხარულით ჩაეკონა თავის ოჯახის წევრებს და ეს სიხარული მთელს სოფელს გადასდო. მამამ კი წერილი გააგზავნა ათონზე მონასტერში, რომელშიც უსაზღვრო მადლიერებას გამოსთქვამდა კარიბჭის ღვთისმშობლის მიმართ.

· XX საუკუნის ბოლოს, 70–წლიანი კომუნისტური ღვთისმბრძოლობისა და ანტიეროვნული პროპაგანდის მიუხედავად, ქართველი ხალხი მასობრივად მიუბრუნდა ეკლესიურ ცხოვრებას.

დედა ღვთისმშობელმა კვლავ მოიღო მოწყალება და თავისი სასწაულთმოქმედი ხატი მოუვლინა ივერთა ქვეყანას.

“პორტაიტისას” საგანგებოდ შესრულებული ასლი თბილისში 1989 წლის 9 ოქტომბერს, წმინდა იოანე ღვთისმეტყველის ხსენების დღეს ჩამობრძანდა, რასაც ორ წელიწადში დამოუკიდებლობის გამოცხადება და საქართველოს სახელმწიფოებრიობის აღდგენა მოჰყვა.

წყარო: http://www.maxata.ge


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"სიყვარული გამოულეველი საუნჯეა, ვინც ამ საუნჯეს ფლობს, მდიდარია, ვინც არა - ღარიბი,"- წმ. იოანე ოქროპირი.