მთავარი » ქართული მეტყველების კულტურა

გამოიცა ინგლისურენოვანი ბარბარიზმების ლექსიკონი

სტატიის ავტორი: | თარიღი: 24.04.2017 | 1,680 ნახვა

ბარბარიზმების ლექსიკონი მიმდინარე წლის 19 აპრილს, ივანე ჯავახიშვილის სახელობის თბილისის სახელმწიფო უნივერსიტეტში გაიმართა ქართული ენის დღისადმი მიძღვნილი ღონისძიება. ღონისძიებაზე წარმოდგენილი იყო ინგლისურენოვანი ბარბარიზმების ლექსიკონი.

ლექსიკონის შექმნას წინ უძღოდა მოძრაობა სახელწოდებით “არაბარბარიზმებს”, რომელიც 2016 წლის ნოემბერში, ივანე ჯავახიშვილის სახელობის თბილისის სახელმწიფო უნივერსიტეტის ლექსიკოგრაფიულ ცენტრში დაიწყო.

მოძრაობის მიზანია ქართულ ენაში მომრავლებული უცხოენოვანი ბარბარიზმების ნაცვლად ქართული საზოგადოებისათვის მათი ქართული შესატყვისების შეთავაზება და ქართული ენის ჰიბრიდიზაციის პროცესის შეჩერება.

მოძრაობას შეუერთდა საზოგადოების სხვადასხვა ფენის წევრები: სტუდენტები, ლექტორები, მოსწავლეები და მასწავლებლები არა მხოლოდ საქართველოდან, არამედ სხვადასხვა ქვეყნებიდანაც.

საბოლოოდ, გამოიცა ლექსიკონი, რომელიც 200-მდე ბარბარიზმს მოიცავს, თუმცა მუშაობა კვლავ გრძელდება. ლექსიკონის ელექტრონული ვერსია უკვე არსებობს და ის ყველასთვის ხელმისაწვდომია:

http://margaliti.com/barbarism.pdf

ლექსიკონის შედგენის პრინციპი ასეთია: ყოველ ბარბარიზმს მითითებული აქვს ინგლისური წყარო, ქართული შესატყვისი და საილუსტრაციო მაგალითები.

გთავაზობთ რამდენიმე სიტყვის განმარტებას ლექსკონიდან:

გაშეარება to share v (ინგლ.) გაზიარება
ეს ინფორმაცია გააშეარეთ გააზიარეთ.

იუზერი user n (ინგლ.) მომხმარებელი
ამ პროგრამას ბევრი იუზერი მომხმარებელი ჰყავს.

ფრენდი friend n (ინგლ.) მეგობარი
რამდენი ფრენდი მეგობარი გყავთ ფეისბუქზე?..

ქართული ენის დაცვა თითოეული ჩვენგანის ვალია, ერთად დავიცვათ ჩვენი ენა დაბინძურებისგან!


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"იყავი უმეცარი სიბრძნეში და ნუ მოაჩვენებ თავს ბრძნად, როდესაც უგუნური ხარ", - წმ. ისააკ ასური.