ელექტრონულ მოწმობებთან დაკავშირებით თეა წულუკიანთან შეხვედრა გაიმართება
10 იანვარს (14:00 სთ-ზე) სასტუმრო “ქორთიარდ მარიოტში” გაიმართება მართლმადიდებელი სასულიერო პირებისა და მრევლის შეხვედრა საქართველოს იუსტიციის მინისტრთან თეა წულუკიანთან, სადაც დღის წესრიგში იქნება საქართველოს მართლმადიდებელი ეკლესიის ორასამდე ტაძარში შეკრებილი 30 000 ხელმომწერთა მოთხოვნა სხვადასხვა სააღმსარებლო საკითხებზე.
როგორც “ამბიონს” მართლმადიდებელთა საორგანიზაციო კრებულის ხელმძღვანელმა ზაზა ნანობაშვილმა აცნობა, ამ შეხვედრაზე ძირითადად განხილული იქნება ელექტრონული მოწმობების საკითხი.
ხელმომწერთა მოთხოვნაა, შეწყდეს საქართველოს მოქალაქეებზე იძულებითი წესით (საგანგებოდ შემოღებული კანონებით) ადმინისტრაციული ძალადობა და ახალი საბუთების: ელექტრონული პირადობის მოწმობის, ბიომეტრიული პასპორტის, პლასტიკური ბარათების აღება მოხდეს მხოლოდ ნებაყოფლობით – არასავალდებულო წესით; სახელმწიფოში ყველგან შენარჩუნდეს ფულადი ერთეულით გადახდა, როგორც ეს მრავალ ქვეყანაშია მიღებული.
“განსხვავებული აზრის გამო მოქალაქეები არ შეიძლება აღმოჩნდნენ სახელმწიფოსგან გარიყულნი. არავინ გაიძულებს აღებას, ოღონდ თუ არ აიღებ ქვეყნისაგან გარიყული დარჩები… ასეთი ცინიკური მიდგომა, დაცინვა იყო საკუთარი ხალხის და მათი აღმსარებლობის, რაც ქვეყანაში ბოლო წლებია თითქოსდა წესადაც დაგვიდგინეს. საბუთის ნიშნით, თუნდაც საინდეტიფიკაციო ნომრის გარეშე ითხოვდეს მოქალაქე, არ შეიძლება ადამიანი ქვეყნიდან გარიყო. მსგავსი მოთხოვნები დააკმაყოფილეს უკრაინაში, მოლდოვეთში, საბერძნეთში…
კონტროლის შემცველ ჩიპიან მოწმობებზე – ადამიანის უფლებისა და ღვთივბოძებული ნების ხელყოფის საშიშროებისადა გამო, როგორც მართლმადიდებელმა ქვეყნებმა, აგრეთვე ევროპის სხვა ქვეყნებმაც განაცხადეს პროტესტი: საფრანგეთმა, ინგლისმა, გერმანიამ, უკრაინამ, მოლდოვეთმა… უცხოელმა იურისტებმა ეს პროცესი შეაფასეს როგორც “ადამიანის უფლებების ტოტალური დაპყრობა”. ამ მნიშვნელოვან თემაზე, ათასობით ხელმომწერთა მოთხოვნას, საქართველოშიც სათანადო რეაგირება უნდა მოჰყვეს და ახლო მომავალში ახალი მთავრობიდან საქმიანი ნაბიჯები გადაიდგას,”- აღნიშნავს ზაზა ნანობაშვილი.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
იქნებ მართვის მოწმობებსაც მოაშორონ სტრიხკოდი და იყოს ჩვეულებრივი.
zalian kargi iqneba tu qalbatoni tia xalxta umravlesobis azrs gaitvaliswinebs ,upirvelesad es iqneba zustad wina taobisgan gansxvavebuli ,adamiani tu gaiziarebs chvens problemas da chvens azrs pativssceems,bevria amis uarmyofeli ubralod yvelas ar sheudzliat(garkveuli mizezebisda gamo amis afishireba da gamoxatva,ase rom me mjera rom qalbatoni tia xalxis azrs da ratqmaunda sasuliero pirta da amastanave mrevlta azrs da txovnas gaitvaliswinebs da yvelaferi ise mogvardeba rogorc gmerts gauxardeba..
აუცილებლად უნდა გაითვალისწინონ მრევლის აზრი!
vaaaaaaaa rogorc iqna moveswarit amas