“ეკლესიის დახმარების სწორი ფორმა უნდა შეირჩეს”
კოალიცია “ქართული ოცნების” ლიდერისა და საქართველოს პრემიერ მინისტრობის კანდიდატის ბიძინა ივანიშვილის თქმით, 
ეკლესიის დახმარების სწორი ფორმა უნდა შეირჩეს და ის სახელმწიფოსგან გამიჯნული უნდა იყოს.
“სახელმწიფო შეიძლება ეკლესიას ეხმარებოდეს, მაგრამ არა იმ ფორმით, როგორც ეს დღეს ხდება, როცა პიროვნულად აძლევენ სასულიერო პირებს მანქანებს და ხელისუფლება წყვეტს, ვის და როგორ უნდა მისცეს. თუ საჭიროა ეკლესიას ხელისუფლება ეხმარება და ნორმალური პროცესია, მაგრამ თავად სინოდმა უნდა გადაწყვიტოს, როგორ და რანაირად განკარგოს სახელმწიფოს მიერ გადარიცხული თანხები. ეკლესია სახელმწიფოსგან გამიჯნული უნდა იყოს. გადაირიცხება თუ არა თანხები, დაზუსტებით ვერ ვიტყვი, მაგრამ უნდა შევარჩიოთ დახმარების სწორი ფორმა”, – აღნიშნა ბიძინა ივანიშვილმა ჟურნალისტებთან საუბრისას.
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.
