ღვთისმშობლის სასწაულთმოქმედი ხატი, რომელიც დუბნის სახელწოდებითაა ცნობილი, უძველესი დროიდან თავად ოსტროჟსკების ცნობილი სასახლის საოჯახო სიწმიდედ ითვლებოდა.
მას შემდეგ ვოლინის მიწაზე ბევრი ცვლილება მოხდა. მაცხოვრის ფერისცვალების მონასტერი უნიატებმა დაიპყრეს, შემდეგ კი განადგურდა და სამრევლო ეკლესიად გადაკეთდა, მაგრამ სასწაულთმოქმედი ხატი სამი საუკუნის განმავლობაში უვნებლად გადარჩა. ის მართლმადიდებლობის თავდადებული დამცველის თავად ოსტროჟსკის ღვთისმოსაობის წმიდა ძეგლია.
დუბნის ხატი თავისი დაწერილობით საეკლესიო ხელოვნების ნიმუშებს ტოლს არ უდებს, – ხატწერული სილამაზისა და მშვენიერების ნიმუშად გვევლინება.
მარგალიტების ძვირფასი პერანგი, რომელიც მას ამკობს, ვოლინის მოსახლეობის მხრიდან ამ ხატისადმი დიდი პატივისცემის გამოვლინებას წარმოადგენს.
სტატიაზე ვრცელდება "ამბიონის" საავტორო უფლებები