მთავარი » კვირის ფოტორეპორტაჟი

არსენ ფოჩხუა

ჟურნალისტი: | გამოქვეყნებულია: 27.06.20133 კომენტარი | 1,163 ნახვა

არსენ ფოჩხუა

არსენ ფოჩხუა (1923-2001) ქ. ქუთაისში 1923 წელს დაიბადა. 1944-49 წლებში თბილისის კონსერვატორიაში ვიოლინოს კლასით სწავლობდა. შემდგომ ამავე პროფესიით საქართველოს სახ. სიმფონიურ ორკესტრსა და I სამუსიკო სასწავლებელში პედაგოგად მუშაობდა.

არსენ ფოჩხუა, გარდა მუსიკისა, არაჩვეულებრივად ხატავდა. არსენ ფოჩხუა როდესაც საქვეყნოდ ცნობილი მხატვარი, ლადო გუდიაშვილი გაეცნო არსენ ფოჩხუას გრაფიკულ ჩანახატებს, ძალიან მოეწონა და შემდგომ მრავალი წლის განმავლობაში ხელმძღვანელობდა მას მხატვრობაში.

1946-47 წლებში ლადო გუდიაშვილის მოწვევით ა.ფოჩხუა ქვაშვეთის ტაძრის მოხატვაში დამხმარე მხატვრად მონაწილეობდა. დიდი მხატვრის გვერდით ეს მუშაობა ა. ფოჩხუასათვის ერთგვარ აკადემიად იქცა.

ა. ფოჩხუა, როგორც გრაფიკოსი, მონაწილეობდა სხვადასხვა გამოფენებში, ხოლო 1955 წელს გამოფენაზე პირველად გაიტანა ბზაზე და სადაფზე კვეთილობანი. ხელოვანი ასევე წარმატებით მუშაობდა ბროლსა და ძვალზე.

1977წ. ქ. ქუთაისში არსენ ფოჩხუას ნამუშევრების პირველი პერსონალური გამოფენა მოეწყო.

1982წ. მაისსა და ივნისში მხატვრის მესამე პერსონალური გამოფენა მოსკოვში გაიმართა. ამ გამოფენამ დიდი მოწონება დაიმსახურა, რასაც მეორე პერსონალური გამოფენა მოჰყვა, რომელიც სრულიად რუსეთის ბუნების დაცვის საზოგადოების ინიციატივით მოეწყო. ამავე წელს ის საცხოვრებლად მშობლიურ ქალაქ ქუთაისში დაბრუნდა. არსენ ფოჩხუა 2001 წლის აპრილში გარდაიცვალა.

დავით დანელია


სტატიაზე ვრცელდება მედიაჰოლდინგ "ამბიონის" საავტორო უფლებები

"მოწყალებისა და თანაგრძნობის უნარი, - აი ჭეშმარიტი ბედნიერება, აი, ერთადერთი გზა, ზეცად მიმავალი," - ილია II.