პრემიერ-მინისტრის ინიციატივით დაწყებული ვარძიის გადარჩენისა და განვითარების 5 წლიანი სახელმწიფო პროგრამა აქტიურ ფაზაში შევიდა. ნახევარი საუკუნის შემდეგ პირველად განახლდა ვარძიის ფართომასშტაბიანი კვლევითი სამუშაოები.

ვარძიაში არქეოლოგებმა ორი ახალი იარუსი და მასში განთავსებული 10 ახალი ქვაბული გამოავლინეს.

ქვაბულებიდან ორი დარბაზული ტიპისაა, რომლებიც, სავარაუდოდ, საცხოვრებელ და სამეურნეო დანიშნულებას ასრულებდა. ერთ-ერთში უძველესი თონის ნაშთებიცაა ნაპოვნი.

მიკვლეულია უძველესი სათავსოები და ქვევრები, სადაც ერთი ათეული საუკუნის წინ ღვინოსა და მარცვლეულ კულტურას ინახავდნენ.

არქეოლოგები XIII-XIV საუკუნით ათარიღებენ ქვაბულის კვლევისას აღმოჩენილ მოჭიქულ და მოუჭიქავ კერამიკის ჭურჭელს.

არქეოლოგიური სამუშაოები ვარძიის გადარჩენისა და განვითარების სამთავრობო პროგრამის ფარგლებში მიმდინარეობს.