აღდგომა ბათუმში – 2014
20 აპრილს, ქრისტეს ბრწყინვალე აღდგომის დღესასწაულს მართლმადიდებელი მრევლი ლოცვითა და გალობით, ღამისთევის მსახურებით შეეგება.
ბათუმის ღვთისმშობლის სახელობის საკათედრო ტაძარში მსახურება 23:00 საათზე დაიწყო.
-ქრისტე აღდგა!
-ჭეშმარიტად აღდგა! – ამ სიტყვებით მორწმუნეებმა ერთმანეთს ქრისტიანული სამყაროს ყველაზე მნიშვნელოვანი მოვლენა ახარეს.
საღვთო მსახურება ლაზეთისა და ჩრდილოეთ ამერიკის მიტროპოლიტმა დიმიტრიმ აღავლინა.
მეუფე დიმიტრიმ აღდგომის მნიშვნელობაზე ისაუბრა, მრევლს აღდგომის დღესასწაული მიულოცა და რწმენაში გაძლიერება უსურვა.
საზეიმო წირვა-ლოცვას ბათუმის საკათედრო ტაძარში აჭარის საკანონმდებლო და აღმასრულებელი ხელისუფლების პირველი პირებიც დაესწრნენ.
სადღესასწაულო წირვა-ლოცვა დილამდე გაგრძელდა, თუმცა ამის მიუხედავად მორწმუნეებს დაღლა არ ეტყობოდათ და სიხარულით ულოცავდნენ ერთმანეთს ამ ბრწყინვალე დღესასწაულს.
სასიხარულოა, რომ აღდგომის დღესასწაულმა საზეიმო განწყობა მრავალი ადამიანის ოჯახში შეიტანა.
სოფო მაკარაძე
სტატიაზე ვრცელდება "ამბიონის" საავტორო უფლებები
კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.