მთავარი » ქრისტიანობა

17 მაისს, მართლმადიდებელმა ეკლესიამ ოჯახის სიმტკიცისა და სიწმინდის დაცვის დღე აღნიშნა

სტატიის ავტორი: | თარიღი: 18.05.2017 | 574 ნახვა

პატრიარქი 17 მაისს, საქართველოს მართლმადიდებელი სამოციქულო ეკლესია ოჯახის სიმტკიცისა და სიწმინდის დაცვის დღეს აღნიშნავს. ამ თარიღთან დაკავშირებით საზეიმო ღონისძიებები დედაქალაქში რამდენიმე ადგილზე გაიმართა: რესპუბლიკის მოედანზე, თბილისის საკონცერტო დარბაზის, პარლამენტის შენობისა და ოპერის თეატრის წინ, თავისუფლების მიმდებარე ტერიტორიაზე დილიდან ხალხმრავლობა იყო. სხვადასხვა ეპარქიიდან ჩამოსულმა სახელოვნებო ჯგუფებმა და ანსამბლებმა თავიანთი შემოქმედება წარმოადგინეს.

5-ვე ადგილზე წმ. სინოდის წევრებმა ღვთისმშობლისადმი სავედრებელი პარაკლისი აღავლინეს. საჩხერისა და ჭიათურის მიტროპოლიტმა დანიელმა, მანგლელმა მიტროპოლიტმა ანანიამ, ახალციხისა და ტაო-კლარჯეთის მიტროპოლიტმა თეოდორემ, გორისა და ატენის მიტროპოლიტმა ანდრიამ, ცაგერისა და ლენტეხის მიტროპოლიტმა სტეფანემ, რუსთველმა მიტროპოლიტმა იოანემ და ხორნაბუჯისა და ჰერეთის ეპისკოპოსმა დიმიტრიმ პარაკლისი პარლამენტის შენობის წინ აღასრულეს. მღვდელმთავრებმა შეკრებილ მრევლს დღევანდელი დღე მიულოცეს და ოჯახის მნიშვნელობაზე ისაუბრეს.

17 მაისს სამების საკათერდო ტაძარში სენაკისა და ჩხოროწყუს მიტროპოლიტმა შიომ (მუჯირი) 7 და მეტშვილიან 100 ოჯახს მამულისათვის თავდადებულის სიგელები გადასცა.

აწყურის ყოვლადწმინდა ღვთისმშობლის ხატის ასლისადმი სავედრებელი პარაკლისი სამების საპატრიარქო ტაძარში სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ სინოდის წევრებთან ერთად აღავლინა. პატრიარქმა სრულიად საქართველო დალოცა. უწმინდესმა ოჯახის სიმტკიცისა და სიწმინდის დაცვის აუცილებლობაზე ისაუბრა.


სტატიაზე ვრცელდება "ამბიონის" საავტორო უფლებები


კომენტარების შინაარსზე პასუხს არ აგებს "ამბიონის" რედაქცია. გთხოვთ, უცენზურო და კანონის საწინააღმდეგო შინაარსის შემცველი კომენტარების დაწერისგან თავი შეიკავოთ.

კომენტარის დატოვება

დაწერეთ თქვენი კომენტარი. თქვენ შეგიძლიათ გამოიწეროთ ეს კომენტარები RSS არხის საშუალებით

გთხოვთ იყოთ თემასთან ახლოს, სპამ კომენტარები დაიბლოკება სისტემის მიერ.

შეგიძლიათ გამოიყენოთ შემდეგი ტეგები:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

კომენტირებისას შეგიძლიათ გამოიყენოთ თქვენი Gravatar-ი

"ჭეშმარიტებას და თავისუფლებას სიმშვიდე მოაქვს, მშვიდობის მატარებელი სული კი სიხარულს ასხივებს"- წმ. ნიკოლოზ სერბი (ველიმიროვიჩი).